بقلم / مصطفى حسين
بعد فشل حسين فهمى ومحمد حفظى خلال 6 سنين مضت المفروض وزارة الثقافة تقوم بالاشراف الكامل على مهرجان القاهرة السينمائى الدولى
لانه مهرجان القاهرة السينمائى بيمثل مصر ولازم تكون مصر فى احسن صورة امام العالم كله لكن اللى بيحصل ان مهرجان القاهرة تحت ادارة وتحكم شركات تنظيم وافراد ليس عندهم خبرة لانهم موظفين بيقوموا بدورهم زى اى موظف فى الدولة شغله روتين وخلاص هدفه مرتبه اخر الشهر وخلاص ومش هتفرق معه ينجح المهرجان ولالا
وان يكون فى تغيير لكل العاملين فى ادارة المهرجان وبالذات فى التنظيم حتى يكون هناك خبرات اكثر تقدم كل ماهو جديد وان يتم اختيار العاملين فى الادارة حسن المظهر وحسن الكلام ويعرف يتعامل ازاى مع نجوم المجتمع
لان من كام يوم المنظمين منعوا رئيس الاوبرا من الدخول
وحدث موقف امامى كنت مع انحدث مع العميد رئيس امن الاوبرا من كام سنة منعوه المنظمين من الدخول وتكلمت وقتها مع المنظمين انتوا مش عارفين ان العميد ده رئيس امن الاوبرا
لان المنظمين شباب وبنات ليس عندهم ثقافة ولاعلم بالاشخاص لانه حافظ مش فاهم
ولاحظت حاجة غريبة بتحصل من كام سنة فى عهد محمد حفظى وحسين فهمى اللى اثبتوا فشلهم فى ادارة المهرجان لاحظت ان اى فيلم مصرى المنتج بيحجز التذاكر كلها عشان مفيش حد يشوف الفيلم غير العاملين فى الفيلم وده طبعا عشان المنتج هيعرض الفيلم فى السينما وخايف يحرق الفيلم لما انت يامنتج خايف انك تحرق الفيلم بتعرضه ليه فى المهرجان اعرضه فى السينما وخلاص وكمان معظم الافلام فى المهرجان فاشلة ولاقصة ولا تصوير ولااخراج ولا اى هدف للناس المفروض السينما بتحكى الواقع الذى نعيشه وتعبر مشاكل الناس لكن انا بشوف افلام خسارة تضيع وقت فيها وده بسبب فشل رئيس المهرجان حسين فهمى اللى بيكون رئيس مهرجان مع ايقاف التنفيذ
ليس له هدف غير ان يلم فلوس التذاكر والرعاة اللى بملايين غير طبعا الدعم المقدم من الوزارات مثل وزارة الثقافة ووزارة السياحة والشركات الكتير اللى بتدفع ملايين الجنيهات ولكن لم يتم صرف هذه الفلوس فى مكانها الحقيقى
ولابد من توضيح ونشر ميزانية المهرجان كام مليون دخل للمهرجان من الوزارات والشركات الرعاه
وكام مليون تم انفاقها على المهرجان وايداع الارباح فى ميزانية الدولة
لانه هذه الاموال ملك للدولة ولابد من معرفة كل التفاصيل كاملة وتشرها للرأى العام
