بقلم / مصطفى حسين
هذه الفكرة تراودنى منذ فترة وهو عمل خط موازى لسكة حديد خط الصعيد انا قلت قبل كده مع نفسى ومع ناس كتير هذه الفكرة ولم اكتب عنها لكن بعد حوداث حدثت كثيرة على طريق الصعيد لابد ان يتم تطوير خط السكة الحديد لطريق الصعيد لان فعلا فى ازمة كبيرة فى عدم توفير التذاكر للناس بسبب عدم وجود قطارات كافية لعدد الناس الكتير على خط الصعيد ومن الان لابد ان تدرس الحكومة خطة لعمل خط موازى اخر بجوار خط السكة الحديد الموجود حاليا مهما اتكلف هذا المشروع من مليارات ومهما اتكلف من نزع اراضى من الناس لان هذا المشروع مشروع قومى للمنفعة العامة وسيخدم الشعب لمئات السنين مستقبلا كفاية اهمال فى خط السكة الحديد طريق الصعيد لان عدد الناس كتير جدا فى الصعيد وعدد القطارات الموجودة قليلةجدابالنسبة لعدد الناس فى الصعيد
انشاء وتنفيذ خط موزاى للسكة الحديد لطريق الصعيد هيكون اهم من القطار السريع الذى يتم انشائه حاليا والذى لايستخدمه الاعدد قليل من الناس
مشروع تطوير وتوسعة خط السكة الحديد لطريق الصعيد هيكون اهم مشروع قومى تقوم به الدولة اذا تم تنفيذه وسيكون من اهم انجازات الرئيس والحكومة اذا تم تنفيذه بشكل جيد لانه سيوفرعدد تذاكر كتير لاهالى الصعيد وسيخفف من الحوادث ولابد من الغاء كل القطارات اللى عفا عليها الزمن ولابد من زيادة عدد القطارات الاسبانى المكيف وتقليل عدد القطارات الروسى المكيف لانها قطارات اشتكى منها كثير من الناس وانابسأل سؤال لوزير النقل انت ليه عملت استبدال لعدد كبير للقطارات الاسبانى المكيف بقطارات روسى مكيف هو انت كوزير للنقل بتقدم خدمة للشعب ولابتتعب الشعب بالقطارات الروسى قبل ان تقدم قطار للشعب شوف رأى الناس عايزة قطارات ايه وقدمها للناس ولاانت كوزير مش بتركب القطار مش فارق معاك رأى الناس انت المفروض تقدم مايريده الناس ولاتقدم ماتريده انت
